的士騙子??? 

話說早前去咗轉台灣. 

响最後一日要去台北火車站! 一早如常到跳上架的士!! 

跳上架的士之後, 司機已經開始不停搭訕!! 

講吓講吓知道我係香港人, 佢就赿講赿興奮!! 

原來佢都係香港人潻! 黎咗台灣四五十年!! 

佢一路不停講不停講, 冇所謂啦, 吹吓水啫!! 

不過.....依....點解好似唔同路既??? 

依~咦~ 行咗15分鐘都未到既???? 

之前已經搭的士去過台北火車站架喇!! 大約100台幣! 其實由酒店搭去邊都係差唔多100台幣!!  

心諗: 大佬, 我趕火車架!!! 你車我去邊呀????? 

又話自己係香港人, 自己人都兜圈???? 唔係嘛?????  

兜咗幾個圈後, 終於安全到步喇!!  

望吓個錶, 要170幾???  

心諗: 比錢快d走, 仲要趕火車架!!!  

點知, 就响攞緊錢果時, 個司機就話: 唔使!!!  

吓? 唔使?? 唔使比??? 唔係啩?????  

我係要比, 個司機就一路拒絕收!!  

佢話: 難得見到香港人噃?? 所以唔收!!!   

吓?? 唔係啩??? 依度係台北噃?! 難得見到香港人? 我都見到好多香港人噃?!!! 

最後, 見佢咁堅持, 就只好多謝佢喇!!! 

我真心多謝佢架!! 唔係因為果少少車錢!! 

而係因為怪錯咗好人! 真係有d唔好意思!! 

唉~ 諗人兜圈!! 人地其實只不過見到自己人, 想吹吓水啫?! 

响度, 真心多謝佢! 原來依個世界仲有好多好人架!!